Olive oil

ඔලිව් තෙල්

අතීත ග්‍රීසියේ කාන්තවන්ගේ සමේ පැහැයේ රහස

වසර 57000 කට එපිට මුතුන්මිත්තන් ඔලිව් තෙල් ආහාර පිසීම සදහාත් ප්‍රතිකාර හා වෙනත් සෞඛයමය කටයුතු සදහාත් යොදාගත් බව සොයාගෙන තිබෙනවා. විශේෂයෙන්  ප්‍රථම වරට ඔලිව් තෙල් භාවිතා කළ රට ලෙස හදුනාගෙන ඇත්තේසිරියාවයි. ඒ අනුව ක්‍රිස්තු පූර්ව 3000 පමණවන විටත් ඔලිව් තෙල් භාවිත කළ බවට සාධක හමුවනවා. ක්‍රිස්තු පූර්ව 1500 - 1700 පමණ කාල සීමාවේ ස්පාඤ්ඤය කොලෝසියම සහ ඇමරිකාව ඔලිව් තෙල් භාවිතා කර තිබෙනවා. එකල අත්ලාන්තික් සාගරය හරහා ඔලිව් තෙල්, ඔලිව් ගෙඩි ආදිය වෙළදාමේ නිරත වී තිබෙනවා. අදටත් ඉතාලිය 25% ක් ස්පඤ්ඤය  36% ක් ග්‍රීසිය 18% ක් ලෙස නිෂ්පාදන සදහා ඔලිව් තෙල් භාවිතා කරනවා. මෙම නිෂ්පාදන ‍රැසක් රූපලාවණ්‍ය නිෂ්පාදන වීම විශේෂත්වයක්.

දියවැඩියාවට ගුණ ඔසුවකි.

ඔලිව් තෙල් නිතර භාවිතා කරන පුද්ගලයන්ට දෙවන මට්ටමේ දියවැඩියාව ඇතිවීමේ අවදානම අඩුවන බව පර්යේෂණයකින් සොයාගැනුණා. ඒ අනුව රුධිරයේ සීනි මට්ටම පාලනය කිරීමට ඔලිව් තෙල් වලට හැකියාව පවතිනවා. ඒ අනුව ඔලිව් තෙල් වල පවතින ස්වාභාවික ස්ංතෘප්ත මේදය ප්‍රධාන වශයෙන්ම රුධිරයේ සීනි මට්ටම පහළ හෙළීමට හේතු වෙනවා. තවද ඒ මගින්  සීනි මට්ට්ම පාලනය කර ඉන්සියුලීන් ශ්‍රාවය ශක්තිමත් කිරීමද සිදුවෙනවා.

රුව වඩන ස්වාභාවික සත්කාරයක් ලෙස.

රූපලාවණ්‍ය  ගැන සිතන ස්වභාවික සත්කාර මගින් ලස්සන වන්නට කැමති අයට ඔලිව් තෙල් කියන්නේ හොදම අමුද්‍රවයක්. සුන්දර රූ සපුවක් වෙනුවෙන් ඔලිව් තෙල් වලට කල නොහැකි දෙයක් නොමැත.නාන වතුරට ඔලිව් තෙල් මිශ්‍ර කිරීමෙන් සම සුමුදු කරගත හැක. එසේම මැරුනු සම ඉවත් කර  සම නැවුම්ව  පැහැපත්ව තබයි. බොඩිලොෂන් එකක්  ලෙසද ඔලිව් තෙල් භාවිතා කල හැක. ඉන් සම වියළීම හා වයසට යෑම වළක්වා තෙත්ව පැහැපත්ව තබයි. මේක් අප් ඉවත් කිරීමේ ආලේපනයක් ලෙසද  ඔලිව් තෙල් භාවිතා කල හැකිය. පුලුන් කැබැල්ලකට ඔලිව් තෙල් ස්වල්පයක් දමා මේක් අප් ඉවත් කල හැක.
මදක් රත් කල ඔලිව් තෙල් භාජනයකට විනාඩි 10 පමණ දෑත් දමාගෙන සිටින්න. සති 2ක් පමන මෙම සත්කාරය කිරීමෙන් සාර්ථක ප්‍රතිඵල ලබාගත හැකිය.  ඇස් යට දුබුරු පැහැය ඉවත් කිරීමට ද ඔලිව් තෙල් යොදාගත හැකිය. එසේම දෑස් පිහ‍ටුවල ඇහිබැමිවල සියුම්ව  ඇගිලි තුඩුවලින් ගැල්වීමට පුලුවනි. ඔලිව් තෙල් වලට බිත්තර කහ මද තේ හැන්දක් පමණ කලවම් කර දෙහි යුෂ ස්වල්පයක් දමා ෆේස් මාස්ක් එකක් ලෙසද නිවසේදිම සකස් කර ගත හැකිය. ඔලිව් තෙල් ස්වල්පයක් ගෙන කහ මදය තේ හැදි 3 ක් කලවම් කර  දෙහි යුෂ එක්කර මාස්ක් එකක් ලෙස හිසට දමා විනාඩි 15 ක් පමණ තබන්න.

සමේ පිළිකා සුව කිරීමේ ප්‍රබල ගුණය.

ඔලිව් තෙල්  මගින් සමේ ඇතිවන පිළිකා සුවකල හැකි බව නවතම පර්යේෂණයකින් සොයගෙන තිබෙනවා. එයිනුත් සමේ පිළිකා අතර භයානකම තත්වය වන මෙලිගන්ට් මෙලනොමා තත්වය වැළැක්වීමට ඔලිව් තෙල් වලට හැකිය. පාරිජම්බුල කිරණ සහ සමට අහිතකර විකිරණ වර්ග පලවා හැරීමට ඔලිව් තෙල් වලට විශේෂ හැකියාවක් පවතී. ඒ අනුව සන් ක්‍රීම් වර්ගයකින් කරන කාර්ය කිරීමේ හැකියාව ඔලිව් තෙල් සතුය. සාමාන්‍යයෙන් අහිතකර විකිරණ වලට ප්‍රතිරෝධය දැක්වීමට කැරොටීන් අඩංගු ආහාර වලට හැක. මේ අනුව ඔලිව් තෙල් වල කැරොටීන් බහුලය. ඊශ්‍රායලයේ අවීව් විශ්වවිද්‍යාලය සහ ජර්මනියේ රොක්ස්ටොක් විශ්වවිද්‍යාලය ඒකාබද්ධව මෙම පරීක්ෂණය කර තිබුණා.

හෘද රෝගීන්ටත් ගුණදායකයි.

හෘදය සුවපත් කිරීමේ හැකියාවක් ඔලිව් තෙල් සතුව පවතින බවට ද පර්යේෂණ ගණනාවකින්ම අනාවරණය වී තිබුණා.එලෙස හෘදය සුවපත් කිරීමට හැකියාව ඇත්තේ ඔලිව් තෙල් වල සංතෘප්ත මේදය අඩංගු වීම හේතුවෙනි. එයට අමතරව කොලෙස්ටරෝල් අවම වීම හා කාබෝහයිඩ්‍රේට් ප්‍රමාණවත්  පරිදි තිබීමත් හේතු වේ. රුධිරය සාමාන්‍ය මට්ටමට ගෙන පිරිසිදු කිරීම, රුධිර පීඩනය සමනය කිරීමට ඇති හැකියාව, හේතුවෙන් තවදුරටත් හෘදය සුවපත් වෙනවා. රුධිර නාලිකා පවා පිරිසිදු කිරීමේ හැකියාවක් ඔලිව් තෙල් සතුය. ඇමරිකානු පෝෂණවේදීන්  පර්යේෂණ මගින් මෙම කරුණු සොයාගෙන තිබුණා. මෙම පර්යේෂණ වල අරමුණ වූයේ දිනෙන් දින වැඩි වන හෘද රෝග පාලනයයි.