ආහාර රසකාරකයක් පමණක්ම නොවන සුදු ලූනු
ඊජීප්තුව පෙර දවස සිටම සුදු ලූනු භාවිතා කල බවට සොයාගෙන තිබෙනවා.වරක් ඊජීප්තුවේ සංචාර්යේ යෙදුණු පිරිසක් 1548 දී පමණ සුදු ලූණු ගෙනවිත් එංගලන්තයේ රෝපණය කළා. එයින් පසුව සුදු ලූනු එංගලන්තය පුරා ව්‍යාප්ත වුණා. පිරමීඩ නිර්මාණය කළ පුද්ගලයන් දිනපතාම සුදු ලූනු පුලුස්සා ආහාරයට ගත් බව පසුව කළ සොයාගැනීමකින් හෙළි වුණා. එයින් ඔවුන් බලාපොරොත්තු වුණේ බර වැඩ කිරීමට අවශ්‍ය ශක්තිය ලබාගැනීමයි. රෝමයෙදී සුදු ලූනු විස වර්ග සකසා ගැනීමටත් භාවිතා කළා. ස්පාඤ්ඤයේදී බැක්ටීරියා ආසාදන වැළැක්වීමට සහ ආසාදන ඇති වූ අයට ප්‍රතිකාර කිරීම සදහා ද සුදු ලූනු ඖෂධ ලෙස යොදා ගෙන තිබෙනවා. යුරෝපයේ තවමත් පවතින විශ්වාසයකට අනුව වැම්පයර් අවතාර වලින් බේරීමට සුදු ලූණු භාවිතා කරනවා. වැම්පයර්වරු සුදු ලූණු ගන්ධයට බියවීම එයට හේතුවයි. එසේම ආහාර රුචිය වැඩිකිරීමට, බඩගින්න ඇතිකිරීමට සමත්ය. එසේම අපද එදිනෙදා සුදු ලූනු ආහාරය එක්කර ගන්නෙමු.
මේදය දහනය කිරීමේ සුවිශේෂී හැකියාව.
සුදු ලූනු ලෝකයේ මෙතෙක් පහල වූ බොහෝ දෑ අතුරින් ආහාරය පිණිස ඇති වටිනාම ද්‍රවයක් ලෙස හැදින්විය හැකිය. සුදු ලූනු, බී ලූනු, ලීක්ස් ආදී ශාක අයත් වන කුලයටම අයත් වෙයි. අද වන විට සුදු ලූනු නිකන්ම නිකන් ආහාර රසකාරකයක්ම නොවේ. සොඛය සම්පන්න ජීවිතයක් සදහා අත්‍යවශ්‍යම වන ආහාර අතිරේකයක් ලෙස සුදු ලූනුවැඩි වැදගත්කමක් උසුලනවා.ප්‍රතිශක්තීකරණ පද්ධතිය ශක්තිමත් කරමින් මිනිස් සිරුර විෂබීජ වලින් ආරක්ෂා කිරීම, ඇන්ටිඔක්සයිඩ වර්ධනය, සොඛයමත් රුධිරවහනයක් ඇතිකිරීම, සුදු ලූනු වල ප්‍රධාන කාර්යයි. සුදු ලූනු වල ස්ල්ෆර් අඩංගු වේ. එය සිරුර ක්‍රියාශිලී වීමට හේතුවනවා. සුදු ලූනු තැලීමෙන්, කැපීමෙන් හෝ කොටස් වශයෙන් ආහාරයට ගැනීමෙන් සිරුරට අවශ්‍ය ස්ල්ෆර් ප්‍රමාණය ලබාගැනීමට හැකිවෙයි. ඒමගින් සිරුරට අවශ්‍ය ප්‍රතිදේහ සිරුර තුලම නිර්මාණය වෙයි. තව ද සමෙහි ඇතිවන දද, කුෂ්ඨ සුව කිරීමේ ගුණය මෙහි අඩංගු වන අතර සෙම් රෝගය සදහා ප්‍රතිකාරයක් ද සුදු ලූනු වල අඩංගු වෙනවා. එය පෙනිසිලීන්වල අඩංගු වෙන ඖෂධීය ගුණයට සමාන වෙයි. අධ්‍යනයකට අනුව හෙළිවී තිබුණේ සුදු ලූනු වලට රුධිරයේ අධික මේදය ද දහනය හල හැකි බවයි. ඉන් කොලෙස්ටරෝල් හා රුධිර පීඩන අවදානම පහ වන අතර අධික ස්ථුලතාවයට ද එය පිළියමක් වෙයි
හිස් බඩම සුදු ලූනු කන්න.
උදේ ආහාරයට පෙර සුදු ලූනු කැබැල්ලක් හිස් බඩම කන්න පුලුවන් නම් උදරාබාධ ඇතුලු රෝග රැසකට ප්‍රතිකාර සොයාගැනීමටත් හැකිවෙයි. හිස්බඩ පුංචි සුදු ලූනු කැබැල්ලක් ආහාරයට ගත හැකිනම් උදරයේ තිබෙන අහිතකර බැක්ටීරියා හා විෂ වර්ග ඉවත් කරගැනීමේ හැකියාව ද පවතිනවා.මීට අමතරව,
- සුදු ලූනු මගින් ආතතිය වළක්වා ගත හැකිය. එමගින් හදවත් රෝග වැළදීමේ අවදානම ද පහ වී යයි.
- සුදු ලූනු ආහාරයට ගැනීමෙන් ස්නායු සහනයට පත්වෙයි.
- අහිතකර විෂ වර්ග ඉවත් කරයි.
- අව රුධිර පීඩනය වළක්වා අහිතකර මේදය ඉවත් කරයි.
- අක්මාව හා මුත්‍රාශ බිත්ති ශක්තිමත් කරයි.
- මෙසේ බලනා විට සුදු ලූනු ශරීරයට අත්‍යවශය ආහාරයක් ලෙස හැදින්විය හැකිය. එසේම
- සුදු ලූනුවල පිළිකා නාශක ගුණය බහුලව පවතී. නිතර සුදු ලූනු ආහාරයට ගන්නා පුද්ගලයන්ගේ සිරුරේ පිළිකා සෛල වර්ධනය නොවේ.
- අව රුධිර පීඩනය සාමාන්‍ය කරයි.
- රුධිරයේ සීනි මට්ටම පාලනය කරයි.
- විටමින් A, B, B12, B6, D, C ප්‍රොටීන්, පොටෑසියම්, කැල්සියම්, සින්ක් සහ තවත් පෝෂක බොහෝ ප්‍රමාණයක් අඩංගුය.
- ආසාත්මිකතා ඇතිවීම පාලනය කරයි.
- ස්ථුලතාවය පාලනය කරමින් මේදය දහනය කරයි.
- නිතර සුදු ලූනු ආහාරයට ගන්නේ නම් බෙහෙත් පෙති ගිලීම පාලනය කරගත හැකිය.
- උණට කැස්සට සුදු ලූනු හොද අත් බෙහෙතක් වේ.
- අක්මාව සුවපත් කරවයි.
- රුධිර පට්ටිකා ප්‍රමාණය වැඩි කරයි.
- හෘදයාබාධ හා රුධිරයේ කැටිගැසීම පාලනය කරයි.
පෝෂණ කරුණු
සුදු ළුනු 100g ක ප්‍රමාණය
කැලරි 149
මුළු මේදය 0.5 g 0%
සංතෘප්ත මේදය 0.1 g 0%
බහු අසංතෘප්ත මේද 0.2 g
Monounsaturated මේදය 0 g
කොලෙස්ටරෝල් 0 mg 0%
සෝඩියම් 17mg 0%
පොටෑසියම් 401 11% mg
මුළු කාබෝහයිඩ්රේට 33 g
තන්තු 2.1g 8%
සීනි 1g
ප්රෝටීන් 6g 12%
විටමින් A 0%
විටමින් C 52%
කැල්සියම් 18%
යකඩ 9%
විටමින් D 0%
විටමින් B-6 60%
විටමින් B-12 0%
මැග්නීසියම් 6%
