banana pie power

බෝ නොවන රෝග නැසීමේ කෙසෙල් ගෙඩියේ බලය

කෙසෙල් වල අඩංගු පෝෂණය මලබද්ධය,හෘද රෝග වැනි රෝග ‍රැසක අවදානම නැති කරන බව ඔබ දන්නවාද?   පර්යේෂණ මගින් පෙන්වා දී ඇත්තේ දිනකට කෙසෙල් ගෙඩි 3ක් ආහාරයට ගැනීමෙන් මිනිත්තු 90ක් ශරීරය වෙහෙසා ක්‍රියා කිරීමට අවශ්‍ය ශක්තිය හා උද්‍යෝගීමත් බව ලබා දෙන බවයි.  කෙසෙල් ගෙඩි 3ක පොටෑසියම් 1500mg ප්‍රමාණයක් අඩංගු වෙයි.

රුධිර කැටිගැසීම පාලනය

ඉතාලි හා බ්‍රිතාන්‍ය පර්යේෂකයන් පෙන්වා දෙන්නේ දිනකට කෙසෙල් ගෙඩි 3ක් පමණක් ආහාරයට ගැනීමෙන් අවශ්‍ය  පොටෑසියම් ලැබී රුධිර කැටිගැසීම වළක්වා මොළයට රුධිර ගමනා ගමනය ක්‍රමවත් කරන බවයි.   කෙසෙල්වල අඩංගු  පොටෑසියම් 500 mg ක් රුධිර පීඩනය පාලනයට සමත්ය.

අස්ථි දිරායාම වළක්වයි.

පොටෑසියම් අඩංගු කෙසෙල් ආහාරයට ගැනීමෙන් ලුණු අධිකව ගැනීම නිසා සිදුවන අස්ථි දිරායාම වළක්වයි.

විශාදය

පසුගිය පර්යේෂණවලට අනුව විශාදයෙන් පීඩා විදින්නන් කෙසෙල් ආහාරයට ගැනීමෙන් පසුව සුවදායි බවින් කල් ගෙවන බව තහවුරු වී ඇත. කෙසෙල්වල අඩංගුවන ට්‍රයිප්ටොපොන් නම් ප්‍රෝටීනය සෙරොටොනින් බවට පරිවර්තනය වීමෙන් ඔබේ මනස සැහැල්ලු කරවයි. එමගින් මනස ප්‍රීතිමත්ව තබයි.

වෙරි මතින්න් පසුව ඇතිවන  අපහසුතාවන්ට

කෙසෙල් පානයක් ලෙස සකසා මී පැණි දමා රසවත් කරගෙන පානය කිරීමෙන් වෙරි මත් ගතිය ඉක්මනින් පහ කරවීමට  සමත්ය. රුධිර ගත සීනි මට්ටම පාලනයටද මී පැණි කදිම ඔසුවකි.

උදෑසන අපහසුතා

ප්‍රධාන ආහාර වේල් අතරට අතුරුපසක් ආකාරයට හෝ කෙසෙල් ආහාරයට ගන්නේ නම් රුධිර ගත සීනි මට්ටම ප්‍රශස්ත මට්ටමක පවත්වාගෙන යා හැක. එසේම උදෑසන ඇතිවන අපහසුතා මග හරවා ගැනීමට කෙසෙල් උපකාරී වෙයි.

මදුරුවන් දෂ්ට කරන විට

මදුරුවන් දෂ්ට කිරීම නිසා සමට ඇතිවන හානි වළක්වා ගැනීමට එම ස්ථාන වල කෙසෙල් යුෂ තවරන්න. අතේ ඇතිවන ඉදිමුම් හා පැල්ලම් ඉන් ඉවත් කල හැකිය.

ස්නායු පද්ධති

විටමින් බි වලින් අනුන කෙසෙල්  ස්නායු පද්ධතියේ නිසි ක්‍රියාකරීත්වයට උපකාරී වන්නකි.

ශරීර උෂ්ණත්වය පාලනයට

කෙසෙල් ශරිරය සිසිල් කරවන පළතුරකි. ගැබිණි මව්වරුන්ගේ ශරිරය උෂ්ණ වන විට එය සමනය කිරීමටද මෙය සමත් වෙයි.

දුම් පානය වැළැක්වීම

දුම් පානයට ඇබ්බැහි වීම පාලනයට ද කෙසෙල් කදිම පිළියමකි. විටමින් බි6, බි12 අඩංගු වීම හා පොටෑසියම් හා මැග්නීසියම් මගින් නිකොටීන් වලින් ශරිරයට වන හානිය අවම කරයි.

මානසික ආතතිය

පොටෑසියම් ශරිරයට අත්‍යවශ්‍ය ඛනිජ ලවණයකි. එමගින් හෘද ස්පන්දනය සාමන්‍ය ත්ත්වයක පවත්වාගෙන යාමට අවශ්‍ය ඔක්සිජන් මොලයට සැපයීම පාලනය කරයි. මානසික ආතතියෙන් පීඩා විදින විට පොටෑසියම් ප්‍රමාණය අඩුවේ. එය නැවත යථා තත්වයට පත් කිරීමට කෙසෙල් සුදුසුම ආහාරයකි.

මල බද්ධය

කෙදි බහුල කෙසෙල් වැනි ආහාර ගැනීම නිසා ආහාර ජීරණ ක්‍රියාවලිය විධිමත් කර උදරය ආශ්‍රිත ගැටලු සමනය කර මල බද්ධය පාලනය කරයි.

පෝෂණ කරුණු
කෙසෙල්
ග්රෑම් 100 ක
කැලරි 89
% 
මුළු මේදය                             0.3 g 0%
සංතෘප්ත මේදය                     0.1 g 0%
බහු අසංතෘප්ත මේද               0.1 g  
Monounsaturated මේදය          0g 
කොලෙස්ටරෝල්                  0 mg 0%
සෝඩියම්                               1 mg0%
පොටෑසියම්                      358mg 10% 
මුළු කාබෝහයිඩ්රේට             23g 7%
තන්තු                                 2.6 g 10% 
සීනි                                      12g
ප්රෝටීන්                            1.1g 2% 
විටමින් A 1%           විටමින් C 14%
කැල්සියම් 0%          යකඩ 1%
විටමින් D 0%          විටමින් B -6 20% 
විටමින් B - 12 0%   මැග්නීසියම් 6%